Ubisoft Connect unifica os servizos da compañía e permitirá o progreso cruzado

Cambio de nome e novas funcións. Uplay, o servizo para PC de Ubisoft chamarase Ubisoft Connect a partir do 29 de outubro grazas á fusión que realizará con Ubisoft Club. A través dunha actualización, este novo sistema permitirá o progreso cruzado na maior parte dos títulos da empresa, amais de mellorar o xogo cruzado mediante unha lista de amigos unificada.

Lamentablemente as recompensas asociadas aos logros dos xogos antigos xa non son compatíbeis, polo que a entidade francesa decidiu desbloquear todas as recompensas dos xogos que non vaian ser parcheados. A aplicación para móbiles de Ubisoft Club sufrirá o mesmo cambio a próxima semana.