A choiva caerá sobre Gran Turismo Sport na súa nova actualización

A choiva caerá sobre Gran Turismo Sport na súa nova actualización

Tardou un par de anos en chegar, pero a partires deste 27 de xuño os xogadores verán como cae auga do ceo sobre os circuítos de Gran Turismo Sport. O título de Polyphony Digital actualizarase este xoves para incluír unha das mecánicas máis solicitadas polos amantes deste videoxogo.

A obra orixinal, lanzada en outubro de 2017, carecía desta inclemencia meteorolóxica, algo estraño nun xogo de condución con tal orzamento e nome. Coque López, coñecido xogador profesional, explica no vídeo presentación como afectará a auga á condución, así como tamén se pode apreciar o xenial que loce a auga sobre o asfalto. Os limpaparabrisas ao fin cumprirán coa súa función.

Gran Turismo Sport foi contando con actualizacións regulares ao longo dos dous últimos anos. A última, en abril, incluíu novos coches sen a obriga de pasar por caixa.

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

1 Comentario
    • sislaks
    • En: 25 de Xuño de 2019

    non tardaron nin nada

    Responder
Deixar un comentario

O teu enderezo electrónico non se publicará Os campos obrigatorios están marcados con *