Actualidade A franquía Persona leva vendidas 10 millóns de copias

A franquía Persona leva vendidas 10 millóns de copias

Malia que non goce dun éxito masivo en Occidente, a franquía Persoa logrou superar a barreira dos 10 millóns de copias vendidas. O seu último gran lanzamento, o de maior relevancia mundial, veu da man de Persoa 5, publicado en exclusiva para a máquina de Sony —aínda que non chegou ás tendas traducido noutra lingua que non fose o inglés— e xa leva máis de 2 millóns de unidades despachadas.

A saga iniciouse en Xapón hai máis de dúas décadas co Revelations: Persona, que non chegou a Europa ata o 2010, grazas á PSP. En total, lanzáronse cinco entregas numeradas, aínda que a franquía some máis nomes, xa que Persona 2, por exemplo, está conformado por Innocent Sin e Eternal Punishment, mentres que Persona 4 conta con múltiples historias paralelas.

Persona congrega unha serie de videoxogos RPG desenvoltos e publicados por Atlus.​ É considerada un produto derivado da serie de videoxogos Megami Tensei, centrada en invocadores de demos. Nos últimos anos, o interese polos seus personaxes e títulos sufriu un forte incremento en Europa e en América, tal e como demostran os números.

A súa próxima entrega chegará en dous meses ao país do sol nacente, aquí teremos que esperar ata a primavera do 2020. Levará por nome Persona 5 Royal.

Persoa 5 avivou a chama do interese por esta franquía en Europa e América.

 

Carlos Pereiro

Creador de Morcego. Escribo cousas, falo de cousas e encántame escoitar cousas.