A nova actualización 13.0.0 de Nintendo Switch permite usar auriculares bluetooth

Pois si, por fin, poderemos usar auriculares sen fíos á vez que xogamos ou consumimos algún tipo de contido en Nintendo Switch. A última actualización do firmware da máquina híbrida, a 13.0.0, chega con algunhas novidades bastante interesantes.

The latest #NintendoSwitch update is now available, including the ability to pair Bluetooth devices for audio output.

For more information, including restrictions on some features while using Bluetooth Audio, please visit the support page: https://t.co/vzAB6lZTDu pic.twitter.com/6J5xcDl5kU

— Nintendo of America (@NintendoAmerica) September 15, 2021

Ora ben, malia que si poderemos usar auriculares bluetooth e esquecer en gran medida dos cables, non poderemos empregar micrófonos bluetooth de ningún tipo, e tampouco poderemos emparellar máis de dous mandos sen fíos se xa temos conectados uns auriculares.

Ademais desta funcionalidade, a máis rechamante e relevante, a nova actualización da consola inclúe:

• A función «Actualizar o Dock» dentro de Sistema en Configuración do sistema para Nintendo Switch e Nintendo Switch OLED.
• «Manter a conexión a Internet en modo de suspensión», como opción dentro de Modo de suspensión en Configuración do sistema.
• «Calibrar pancas dos mandos», en Configuración do sistema.
• Agora poderemos ver se a conexión a Internet está a utilizar a banda de frecuencia de 2,4 Ghz ou 5 Ghz en «Estado da conexión».