Actualidade A nova actualización de Fortnite trae un cataclismo sobre rodas

A nova actualización de Fortnite trae un cataclismo sobre rodas

Parece que dende hoxe os usuarios do xogo de Epic Games poderán queimar roda de mala maneira para logo lanzarse directos á batalla cun novo vehículo para dous pasaxeiros. O Quadtaclismo promete diversión e situacións absurdas a partes iguais.

O novo parche V.6.10 implantado hoxe trae consigo non só este novo trebello, senón que deixa diversos cambios e novidades.

A primeira, é a chegada do modo Competición. Nesta nova modalidade os xogadores poderán competir en diferentes torneos e eventos dende o propio xogo. Onte, xa se comentaba na Rede a aparición deste apartado debido a unha filtración interna.

Tanto para o modo Battle Royale coma no Salvar o mundo, engadíronse melloras no rendemento. Así se tes unha PS4 Pro conectada a un televisor 4k, agora gozarás do xogo a 1440p e non a 1080p. Da mesma maneira, en Xbox One melloráronse certos aspectos da memoria e algúns obxectos cosméticos recibiron optimizacións.

Se queres consultar todas as notas do parche podes facelo directamente aquí,na páxina oficial de Epic Games.

 

Carlos Pereiro

Creador de Morcego. Escribo cousas, falo de cousas e encántame escoitar cousas.

Comentarios non permitidos
    • Pastel de Carne
    • En: 16 de Outubro de 2018

    Unha pregunta que me ronda… Sacarán o single player gratuíto nalgún momento? Sábense cifras de vendas? Nunca vin a ninguén xogalo…

      • Carlos Pereiro
      • En: 16 de Outubro de 2018

      Entendo que falas do single player coma o Salvar o mundo, non?

      Non hai moito algún rumor de facelo gratuito ouvín por aí.

      Tendo en conta o mimo que lle dan en cada parche (non se plantexan abandonalo) debe haber máis xente con el da que podes imaxinar. Non hai outra explicación para o interese que Epic pon no Salvar o mundo cada semana.