A nova actualización de Legends of Runeterra preséntase en sociedade

Legends of Runeterra segue a expandir as súas posibilidades a través de novas cartas, novos campións e novas mecánicas. O xogo de estratexia de Riot soubo atopar o seu espazo dentro do xénero, mantendo unha comunidade fiel e un ritmo de traballo intenso no que se refire a actualizacións e equilibrios.

Co nome do Imperios dos Ascendidos, queda lista a nova expansión, «a maior ata a data», seguindo as palabras dos seus desenvolvedores. Até 110 cartas novas chegarán ao xogo, incluirase a rexión de Shurima e nove campións farán a súa aparición. Que secretos e estratexias habitan nese deserto místico?

Como é habitual, o contido da actualización irase publicando a través das redes sociais oficiais de Legends of Runeterra. Se queres darlle unha primeira ollada, xa o podes facer a través desta ligazón. O 3 de marzo habilitarase a descarga da expansión.