A saga FIFA extende o seu acordo de exclusividade coa Liga española por 10 anos

Durante anos a saga FIFA presumiu de incluír practicamente todas as licenzas futbolísticas que existían. Premier League, Serie A, UEFA Champions League e agora contará coa presenza da Liga española durante dez anos máis. Así o anunciou Electronic Arts, que confirma que a relación entre ambos os dous selos continuará e serán máis de trinta anos de colaboración os que acumulen ás súas costas.

Desta forma, a franquía asegúrase a exclusividade do campionato español en detrimento do seu principal competidor, Pro Evolution Soccer. A saga de Konami mantén acordos con entidades deportivas de forma individual, tales como o FC Barcelona, o Manchester United ou o Bayern de Munich.

O balón volverá rodar nos campos virtuais na nova xeración, mesmo para aqueles usuarios que adquiran a versión das consolas actuais xa que FIFA 21 actualizarase para PS5 e Xbox Series X de forma totalmente gratuíta.