Actualidade A saga Kingdom Hearts desembarca por fin en PC a través de Epic

A saga Kingdom Hearts desembarca por fin en PC a través de Epic

Foi un dos anuncios máis importantes do Epic Games Narrativa Spring Showcase. De novo, a compañía dona de Fortnite conseguiu ter unha exclusividade de luxo. A saga Kingdom Hearts chegará a PC, e farao a través da súa tenda. ¿Cando? O 30 de marzo.

O 30 de marzo, a través de varias compilacións e títulos por separado, a plataforma de Tim Sweeney levará a aventura de Sora, Donald e Goofy a un novo terreo. En total, é posible realizar catro compras diferentes:Kingdom Hearts HD 1.5 + 2.5 RemixKingdom Hearts HD II.8 Final Chapter PrologueKingdom Hearts III Kingdom Hearts Melody of Memory

Son un total de once xogos que nunca puidemos mercar para PC, pero que, por fin, farán a súa aparición ao grande. O primeiro bundle inclúe unha remasterización do primeiro e o segundo título da franquía con importantes melloras tanto no control como na apartado gráfico. Tamén inclúeKingdom Hearts Re:Chain of Memories e Kingdom Hearts 358/2 Days, lanzados para GameBoy Advance en 2004 y para Nintendo DS en 2009, respectivamente. Son incluídos tamén o título de PSP Kingdom Hearts Birth by Sleep Final MixKingdom Hearts Re:Coded.

O segundo bundle recolle Kingdom Hearts Dream Drop Distance HD, Kingdom Hearts 0.2 Birth by Sleep, Kingdom Hearts χ Back Cover e unha versión en HD da película Birth by Sleep. Por último, a versión de Kingdom Hearts III incluirá tamén o seu DLC, namentres o xogo de ritmo Melody of Memory terá un lanzamento idéntico ao de consolas. En total, se un quere ter todos os xogos da saga na súa computadora, deberá gastar algo máis de 200 euros.

Carlos Pereiro

Creador de Morcego. Escribo cousas, falo de cousas e encántame escoitar cousas.