A Tempada 2 de Fall Guys fixa a súa estrea para a vindeira semana
Mediatonic puxo data á Tempada de Fall Guys. A actualización chegará a semana que vén, máis concretamente, o 8 de outubro. A través das súas redes sociais, os responsábeis do fenómeno no que se converteu o título multixogador confirmaron a chegada de novas probas, retos e diversos cosméticos para celebrar o comezo da tempada.
BEAN SPILLING POST
Announcing dates always feels like you're cursing things, but it's Halloween month, so let's get cursed!
🔥 Season 2 launches on Thursday 8th October 🔥
Season 1 will now end as Season 2 begins and we're going to DOUBLE fame points during this time! 👀 pic.twitter.com/J9TFIZ1BDd
— Fall Guys 👑 (@FallGuysGame) October 2, 2020
Para que todos o mundo teña máis facilidades e posibilidades á hora de desbloquear os novos traxes temáticos, poderanse obter até un total de 18 coroas soamente subindo o nivel do personaxe, algo que conseguiremos xogando partidas e avanzando no maior número de roldas posibles sen necesidade de gañar no último nivel. Até o de agora, só podiamos obter coroas vencendo carreiras e tan só había tres dispoñíbeis no sistema de progreso e recompensas.
Doutra banda, a compañía responsable do xogo tamén anunciou que durante estes días dobraranse os puntos de experiencia para dar a benvida ao novo contido. Bulide a aproveitade!
