![Abre o rexistro para a beta de Minecraft Earth en Android](https://revistamorcego.com/wp-content/uploads/2019/08/minecraftearth.0-786x436.jpg)
Abre o rexistro para a beta de Minecraft Earth en Android
Minecraft Earth será un título de realidade aumentada para móbiles que tentará seguir os pasos do éxito de Pokémon GO, pero con base no universo comezado por Markus Persson. Após estar dispoñíbel en beta pechada en iOS desde principios do verán, os usuarios de Android por fin poden rexistrarse para catar o proxecto.
Este título ten diversos paralelismos coa obra de Niantic, cun mapa que é a contorna do mundo real no que nos movemos. A medida que exploramos o escenario van aparecendo obxectos coñecidos como Tappables. Se interactuamos con estes elementos desbloquearemos novos materiais de construción e skins de mob que se poden usar para construír e ver as nosas creacións no mundo real a través da cámara do dispositivo móbil.
Espérase que sexa lanzado, de xeito oficial, ao longo deste 2019.