Among Us aterra este martes en Nintendo Switch
Un dos xogos do ano, fenómeno absoluto en móbiles e Discord, Among Us, estará dispoñible ao longo do que resta tarde en Nintendo Switch.
Xa en PC e dispositivos móbiles, a consola híbrida da Gran N convértese no primeiro sistema deste tipo en recibir o título de Innersloth, que continúa atraendo un xeneroso público. O anuncio foi realizado ao longo do último Nintendo Indie World deste ano.
Nunhas horas debería aparecer na eShop, malia que aínda non se confirmou se será un xogo gratuíto, ou terá un prezo similar (4,99 euros) ao da versión de PC.
