Anunciados os novos personaxes de Street Fighter 5

Capcom vén de anunciar os seus plans para Street Fighter 5 Champion Edition, comentando e confirmando a catro dos cinco personaxes que serán engadidos ao xogo de loita dentro da súa quinta e derradeira tempada de conidos extra.

Os novos loitadores serán engadidos ao longo de catro actualizacións que verán a luz entre o inverno de 2020 e o outono de 2021. O primeiro deles será será Dan Hibiki, de Street Fighter Alpha. Terá catro traxes e virá acompañado dun novo escenario Capcom Prol Tour, novos traxes para outros personaxes, máis mecánicas de loita e cambios para mellorar o equilibrio dos combates.

Na primavera do ano que vén publicarase a segunda gran actualización, e con ela chegará Rose. Terá cinco traxes e o seu propio escenario, así como tres novos traxes profesionais. No verán será o momento de Oro e Akira Kazama, vellos coñecidos da franquía e mesmo doutra saga de Capcom como Rival Schools coa presenza desta moza.

Por último, faltaría por coñecermos o personaxe oculto, o último en aterrar, aínda que teremos de agardar máis dun ano para coñecelo e ver completa un dos cadros máis xenerosos dentro da franquía xaponesa de loita.