Actualidade Así será EVO Online, o formato dixital do maior torneo de loita do mundo

Así será EVO Online, o formato dixital do maior torneo de loita do mundo

Tal e como se viron obrigados múltiples eventos en todo o mundo, a organización do EVO (Evolution Championship Series) vén de anunciar a chegada de EVO Online, a retransmisión en liña do maior torneo de xogos de loita do mundo. Sen poder acudir ao Mandalay Bay das Vegas como cada mes de agosto, tanto seareiros como competidores terán que se conformar coa seguinte lista de xogos que formarán parte do evento: Mortal Kombat 11: Aftermath,  Killer Instinct,  Them’s Fightin’ Herds e  Skullgirls 2nd Encore, que foi engadido a última hora.

Esta repartición supón que algúns dos principais actores non participarán na función. Street Fighter V: Champion Edition, Tekken 7, Super Smash Bros. Ultimate ou Dragon Ball FighterZ non estarán presentes, debido a que non se pode asegurar con garantías que os adversarios conten coa mellor conexión en liña posíbel. Iso si, poderemos velos noutros formatos como exhibicións.

Coa estrea fixada para comezos de xullo, estas son as datas marcadas no calendario para poder gozar do EVO Online.

  • Días 4 e 5 de xullo
  • Días 11 e 12 de xullo
  • Días 18 e 19 de xullo
  • Días 25 e 26 de xullo
  • Do 31 ao 2 de agosto

Juan Sanmartín

Colaborador de Morcego. Videoxogos, deporte, cómics ou cine son as miñas paixóns.