Bayonetta e Vanquish, unidos na festa pola súa chegada a PS4 e Xbox One

Firma SEGA un pack que levantou máis dun aplauso ao longo das últimas horas. Dous dos mellores xogos de Platinum chegarán a Xbox One e PlayStation 4 de maneira conxunta, baixo o nome Bayonetta & Vanquish 10 th Anniversary Bundle. Unha compra que requirirá 39,99 euros e permitirá levar a acción aos 60 fps destas máquinas e resolución 4K.

A nova xa fora filtrada días atrás, pero faltaba por aparecer o anuncio oficial. Ademais, tamén se confirmou que, xunto coa edición física, será posíbel mercar os dous xogos de xeito individual nas tendas dixitais. Por suposto, foi estreado un tráiler para celebrar o lanzamento, que se realizará o vindeiro 18 de de febreiro.

O artista Dan Dussault foi o encargado de realizar a portada, supervisada por Hideki Kamiya, director do xogo da bruxa. As reservas anticipadas premiaranse cun tema de ambos os títulos para PS4.