Black Desert ponse ao día en Xbox One e engade catro novas clases
O famoso MMORPG Black Desert chegou, tras unha longa espera, ás consolas de sobremesa. Ou consola, xa que polo momento é exclusivo de Xbox One. Agora, a compañía responsable do título confirmou que o próximo 3 de abril engadirá catro novas clases, todas elas xa na versión de PC, á versión de consola.
As novas clases que recibirán os usuarios de Xbox One son Musa, Loitador, Adalid Escura e Lahn. A ocasión ben o merece, e Pearl Abyss avisa da actualización e a ampliación de roles a través dun tráiler. Se queres saber como funciona cada clase, tamén tes vídeos individuais para cada unha das novas opcións.
Os xogadores de consola teñen, a día de hoxe, catro paquetes de compra para facerse con Black Desert. Cada un con diferente contido adicional e privilexios, e o seu prezo oscila entre os 9,99 euros ata os 99,99 euros da Ultimate Edition.
