Blacksad: Under the Skin, xa dispoñíbel por error en PS4 e Xbox One
O seu lanzamento estaba previsto para o 14 de novembro, pero o xogo de Pendulo Studios xa está dispoñíbel en PlayStation Store e Xbox Market. Trátase dun erro que a editora do xogo, Microids, anunciou nun comunicado no que aconsella non xogar aínda ao título e agardar ao día de saída oficial para poder descargar o parche de lanzamento.
«Cremos que é esencial para que poidades experimentar o xogo tal e como foi ideado polo súa desenvolvedora, Pendulo Studios. O parche chegará nos próximos días e incorpora melloras de framerate e solucións para bugs e problemas importantes, como a ausencia de música», explícase no comunicado que podes ler completo a continuación.
If you already have #BlacksadUndertheSkin on PlayStation 4 or Xbox One pic.twitter.com/AqNja9YIQB
— Microids (@Microids_off) November 5, 2019
Estas son os elementos que se puirán o día de lanzamento co parche Day One:
- Bugs importantes
- A optimización do rendemento, amais de mellorar os tempos de carga e a calidade das texturas
- Os fotogramas por segundo
- Problemas co son e engadido de música ambiental
- As animacións de algúns personaxes personaxes e a sincronización labial
A actualización estará dispoñíbel o 14 de novembro nas máquinas de Sony e Microsoft, coincidindo coa saída da versión física e o lanzamento do xogo en PC (Steam). En Nintendo Switch, o xogo chegará á eShop o 28 deste mes.
