Bloodstained e Jump Force aterrarán este mes no Xbox Game Pass
Xbox España confirmou a chegada de novos títulos para Xbox Game Pass ao longo das vindeiras dúas semanas que quedan de setembro —para a versión de consola—. Este xoves, 19 de setembro, Jump Force e Bloodstained: Ritual of the Night farán a súa aparición no servizo de Microsoft.
O primeiro é un ambicioso título de loita que agrupa algunhas das caras máis coñecidas da Shūkan Shōnen Jump. Vaia, que podemos xogar con Son Goku, Naruto, Luffy… Bloodstained: Ritual of the Night é tamén unha obra recente, lanzouse o 18 de xuño, e leva o selo do lendario Koji Igarashi. Un auténtico imprescindible para todo aquel que goce do xénero metroidvania.
Non serán os únicos videoxogos que cheguen para o Game Pass. Nos próximos días tamén se incorporarán Bad North, Dirt Rally 2.0 e Leigo Worlds; malia que un pouco máis tarde, o 26 de setembro.
