Actualidade Bounty Battle, o Super Smash Bros. dos títulos indies, saca cita para xullo

Bounty Battle, o Super Smash Bros. dos títulos indies, saca cita para xullo

Quen non gustaría gozar de grandes combates entre os seus personaxes favoritos? Esta é a proposta que vai levar a cabo Bounty Battle, coñecido coma o Super Smash Bros. dos títulos indies. Entre a repartición de personaxes dispoñíbeis poderemos atopar membros de xogos tan recoñecidos como Darkest Dungeon, Axiom Verge, Dead Cells, Guacamelee! ou mesmo o éxito sevillano que foi Blasphemous.

Será a partir do 16 de xullo cando chegará a versión dixital do xogo para PC, PS4, Xbox One e Nintendo Switch. Os seus desenvolvedores, Dark Screen Games, comentan que até 30 loitadores distintos estarán listos no seu lanzamento, cada un cos seus propios movementos de combate e acompañantes. A variedade de escenarios tampouco queda curta: 16 espazos de combate xunto con varios modos de xogo como Versus, Tournament, Sala de Adestramento, Titorial e Desafío.

A chegada do formato físico para Bounty Battle será en agosto, sen unha data concreta. Será unha Signature Edition que contará cunha guía de personaxes, un set de 4 pines e unha tarxeta con arte dos loitadores.

Juan Sanmartín

Colaborador de Morcego. Videoxogos, deporte, cómics ou cine son as miñas paixóns.