Actualidade
505 Games desminte a cancelación de Overkill’s The Walking Dead para PS4
Actualización (21/02/2018, 11.32 horas): Overkill’ s The Walking Dead non estaría cancelado. 505 Games, editora do título, explicou o estado actual do proxecto para desmentir e negar as últimas informacións chegadas dende Sony. A compañía defende o atraso indefinido do videoxogo para consolas.
We just wanted to clear the position on the OVERKILL’s The Walking Dead on console and confirm that the game has not been cancelled, purely postponed whilst development is on-going. We will share further news as soon as possible.
— 505 Games (@505_Games) February 20, 2019
_____________________
A versión para PlayStation 4 de Overkill’s The Walking Dead, o shooter multixogador creado polo mesmo equipo que deu a luz ao coñecido Payday 2, foi cancelada. Así semella confirmalo Sony. A nova chega tras o anuncio dun “atraso indefinido” na devandita versión.
Ao parecer, PlayStation Store mandou unha mensaxe a diferentes usuarios da súa plataforma asegurando a cancelación do título e a devolución do diñeiro: “A editora notificounos que o xogo foi cancelado. Como resultado, retiramos as reservas existentes da PlayStation Store e cancelaremos todas as reservas”, sinala o comunicado.
Mensaxe subida a Reddit por un usuario.
Segundo o sinalado por Sony, os usuarios que reservasen o título recibirán a devolución do diñeiro no prazo dunha semana tras recibir un correo electrónico ou unha notificación cunha mensaxe similar á anterior. Se o método de pago utilizado durante a compra non está dispoñible, os cartos devolveranse como moeda para PlayStation Network. Os usuarios de Xbox One, polo momento, non recibiron ningunha novidade sobre este asunto.
Nin a editora do xogo, 505 Games, nin os equipos de desenvolvemento, Overkill e Starbreeze, pronunciáronse aínda sobre este tema. O recibindo frío por parte da comunidade de PC seguramente sexa responsable deste cambio de rumbo, despois dunhas vendas escasas e unhas críticas pouco xenerosas cara o xogo. A versión para consolas estaba prevista para este mes.
O título non obtivo os resultados esperados na súa versión de PC.
[…] rusa de decisións ao redor de Overkill’s The Walking Dead. Fai xusto sete días Sony dicía que o título fora cancelado. Logo 505 Games, a súa editora, dicía que non. Hoxe, Skybound Entertainment, posuidora dos […]