![Capcom dá as costas a unha versión de Resident Evil 2 para Switch](https://revistamorcego.com/wp-content/uploads/2019/01/20190127230125_1-786x436.jpg)
Capcom dá as costas a unha versión de Resident Evil 2 para Switch
Un mes despois do seu lanzamento, Resident Evil 2 continúa o seu paseo triunfal entre os xogadores. Unha aventura single player que volve imaxinar o título orixinal de supervivencia e acción e é capaz de convivir cos pesos pesados da industria actual en plataformas como Twitch, da que goza dun gran público grazas aos speedrunners.
Tanto en PlayStation 4, como en Xbox One ou PC, as cifras de vendas foron numerosas; as críticas, moi positivas. Leon e Claire atoparon o seu sitio no século 1998 do século XXI e provocaron unha pregunta moi repetida dende a outra gran plataforma de entretemento que queda por nomear: chegará Resident Evil 2 a Nintendo Switch? O non de Capcom foi claro.
No plans on that, no.
— Kat (@ImKatastrophe) February 20, 2019
A xestora de redes sociais da franquía respondeu á cuestión dun seguidor a través da súa conta persoal, tras anunciar que Resident Evil 0, Resident Evil Remastered e Resident Evil 4 si chegarán á máquina híbrida. En principio, a compañía doutros éxitos como Monster Hunter World ou Devil May Cry non ten ningún plan sobre a mesa para crear unha nova versión do título de zombis.
Quen sabe se nun futuro Capcom cambia de parecer, pero de momento, todo aquel que posúa unha Switch deberá pensar en comprar algunha máquina da competencia se quere poñerse na pel de Claire, Leon, ou dalgún dos outros sobreviventes aparecidos nos últimos modos extra implementados.
![](https://revistamorcego.com/wp-content/uploads/2019/02/RE2-1024x576.jpg)
Fotograma do anuncio en acción real creado para o lanzamiento de RE2.