Capcom fai balance do ano e conta con varios lanzamentos para os vindeiros meses

Plans financeiros e expectativas de cara ao futuro. Após o peche do ano fiscal para as compañías de videoxogos, é o momento de avaliar os esforzos dos últimos meses e mellorar os resultados o ano que vén. Nesta ocasión chegan as notas de Capcom, que arroxan datos interesantes. Exemplo disto é que dous das súas principais franquías amosan músculo en forma de cifras bastante importante, como as máis de 2,5 millóns de copias que vendeu Resident Evil 3 ou Monster Hunter World, que acada os 15,5 millóns.

Todo isto confirma o momento doce que está a vivir a compañía nipoa, xunto con outras sagas como Devil May Cry. Doutra banda, Capcom prepárase para o futuro co lanzamento de diversos títulos AAA nos vindeiros meses, cos que calculan acadar os 28 millóns de copias vendidas. Para iso farán especial fincapé nas vendas dixitais, promocionando os xogos a través de múltiples ofertas.

Tal e como recolle o analista Daniel Ahmad, as previsións apuntan a 10 millóns de unidades vendidas das novidades que a empresa lance ao longo do 2020. Ditas novidades son clasificadas como SKU —cada SKU supón un lanzamento por plataforma, é dicir, Resident Evil 3 conta con 3 SKU: Xbox One, PC e PS4— para conformar un total de 13 SKU, das cales restan 10 por anunciar e lanzar. Por tanto, é probábel que Capcom estea a preparar outro gran lanzamento que acompañe ao regreso de Jill Valentine e Némesis.

Capcom plans to ship 28 million units of software in FY2020/21 (April 1, 2020 – March 31, 2021).

18 million units will be for titles that launched prior to this period.

10 million units for titles launching during this period.

Multiple new major titles (Incl. RE3) planned. pic.twitter.com/tJunWL9EZ1

— Daniel Ahmad (@ZhugeEX) May 12, 2020