CD Projekt volve pedir tempo e leva Cyberpunk 2077 a decembro

CD Projekt RED acaba de facelo público: Cyberpunk 2077 chegará este ano, pero vinte e un días máis tarde do que estaba previsto. Trátase do terceiro atraso logo de ter data no calendario dun dos xogos máis esperados da xeración.

O estudio explica nun comunicado —co fondo amarelo xa típico e case convertido en meme— que o atraso se orixina perante o problema de probar e mellorar as nove versións coas que contará o título. As da actual xeración, a nova e a de PC. En poucas palabras, parece que aínda deben puír certos asuntos relacionados coa compatibilidade de plataformas. «Sabemos que parece pouco crible que 21 días poidan marcar a diferenza nun título tan enorme e complexo, pero realmente poden facelo», coméntase na publicación.

A última noticia relacionada co desenvolvemento do xogo foi publicada para informar que pasaba a entrar en fase gold, é dicir, de produción. O estudio avisa que isto non mudou, pero que non significa que non poidan seguir puíndo certos detalles. Así, podemos agardar xa un xenroso parche de día un.

We have important news to share with you pic.twitter.com/qZUaD6IwmM

— Cyberpunk 2077 (@CyberpunkGame) October 27, 2020