Actualidade Chega o pesadelo antes da tempestade a Fortnite

Chega o pesadelo antes da tempestade a Fortnite

A escuridade será máis densa que nunca na illa de Fortnite. O Samaín está moi preto e os xogadores vivirán o terror desta época nas súas propias carnes. Xa o din en Epic Games: “Resgárdate nas sombras para asustar aos teus rivais e faite coa vitoria maxistral”.

Que novidades trae a actualización desta semana no seu modo Battle Royale? A continuación detallamos o argumento que envolverá nos próximos días as partidas que botedes.

O cubo abriu unha porta de entrada para unhas criaturas que os xogadores deberán combater mentres loitan por sobrevivir. Por sorte, tamén chegarán novas armas para facerlles fronte: o revólver de seis balas e a bésta do cazademos.  

Tamén chega a opción de vestir a indumentaria Disparo Mortal, que terá dous estilos distintos segundo o dano que lle causemos aos inimigos, xunto co tempo que resistamos vivos durante a partida. Inclúe a mochila Cubo cativo. Na tenda estará dispoñible para a sua compra o pico Fragmento escuro.

Aquí tendes tamén, os desafíos do evento:

  • Destruír os monstros do cubo
  • Inflixir dano a monstros do cubo con fusís de asalto ou pistola
  • Visitar unha zona corrupta en partidas distintas
  • Bailar diante de gárgolas

Fixéchelos todos? Pois gañarás o ala delta Locomotora escura.

 

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

Deixar un comentario

O teu enderezo electrónico non se publicará Os campos obrigatorios están marcados con *