Counter-Strike: Global Offensive supera o millón de xogadores durante a fin de semana
O repertorio de récords durante a epidemia da COVID-19 no mundo dos videoxogos non para de engadir novos rexistros á súa lista. Chegou o momento de todo un xigante da industria, Counter-Strike: Global Offensive, que vén de superar a barreira de máis de 1,3 millóns de xogadores durante esta fin de semana, superando a outro coloso como DOTA 2.
Steam está a ser anfitrión de moitos rexistros, xa que o título chegou a un millón de usuarios a principios de marzo e após esta última cifra colócase como o segundo xogo máis xogado da historia da plataforma, só por detrás de PUBG con 3,2 millóns de xogadores. A tenda de Valve tamén acadou grandes rexistros durante as últimas semanas, chegando ao seu pico máximo de usuarios únicos utilizando Steam.
