Crash Bandicoot 4: It´s About Time estrea tráiler e data de lanzamento

Filtrado desde hai uns días, Crash Bandicoot 4: It’s About Time vén de ser presentado por parte de Activision. Un novo tráiler no que podemos ver que agarda por nós na continuación das aventuras da antiga mascota de PlayStation.

Desenvolto por Toys for Bob, responsábeis de Spyro: Reignited Trilogy, nesta ocasión controlaremos a Crash aínda que tamén poderemos tomar o control de Coco e mesmo do maior vilán da saga, o Doutor Neo Cortex. Teremos que viaxar por múltiples dimensións alternativas a partir do 2 de outubro en PS4 e Xbox One.