Cuphead, dous anos de vida e cinco millóns de copias despachadas
En Studio MDHR están de celebración. O día que Cupdhead, a súa obra insigne, cumpre dous anos de vida, a empresa tamén confirma que o celebrado xogo de plataformas e acción vendeu nada menos que cinco millóns de unidades en todo o mundo.
O éxito de Cuphead é un feito evidente e sen peros. O seu fenomenal deseño artístico, así como a súa elevada dificultade, propiciou a súa transformación nun dos títulos independentes máis relevantes do último lustro.
Cuphead turns two today, and we're so humbled to announce: it has officially gone five-times platinum!!
Starting now, the game is 20% off on all platforms for a full week. And stay tuned, because we have 5 days of fun and giveaways planned to celebrate 5 million copies sold! pic.twitter.com/oe7uTzY62Y
— Studio MDHR (@StudioMDHR) September 29, 2019
Aínda non o tes? Os seus responsables anunciaron un 20 % de desconto en todas as versións —Xbox One, Nintendo Switch, Windows Store e Steam—, quedando nuns tentadores 15,99 euros.
Na actualidade, Studio MDHR está a traballar na expansión que supoñerá The Delicious Last Course, lanzamento que de seguro volverá aumentar as vendas da obra orixinal.
