Actualidade Dark Souls Trilogy tamén sairá en Europa para Xbox  One e PS4

Dark Souls Trilogy tamén sairá en Europa para Xbox One e PS4

Un pack cos tres xogos. Dark Souls Trilogy foi anunciado oficialmente durante a última Gamescom, pero aínda sendo a feira do sector máis importante de Europa, o novo produto non estaba destinado ao Vello Continente, e chegaría só a Estados Unidos e Xapón, en principio. Bandai Namco vén de confirmar o cambio de parecer e anunciou por sorpresa que Dark Souls Trilogy tamén sairá nas nosas fronteiras o 1 de marzo para Xbox One e PS4.

A famosa saga de FromSoftware volverá poñerse á venda nun único recompilatorio co que viaxar e percorrer o camiño creado polo xenio nipón Hidetaka Miyazaki. Así, o pack inclúe Dark Souls, recentemente remasterizado; Dark Souls 2: Scholar of the First Sin, que tamén posúe unha versión revisada para a actual xeración; e Dark Souls 3: The Fire Fades Edition. Todos os títulos contarán coas súas expansións correspondentes.

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

Deixar un comentario

O teu enderezo electrónico non se publicará Os campos obrigatorios están marcados con *