Dead Cells recibirá unha actualización sorpresa este decembro
Cun breve e efectivo comunicado na sua páxina de Steam, Motion Twin fixo oficial que Dead Cells recibirá unha actualización máis antes de rematar o ano. Os creadores do exitoso xogo confirmaron que este decembro agardarn lanzar un parche que incluirá algunhas novidades para os seguidores da obra.
Que incluirá a actualización?
- Unha nova arma
- Un novo monstro
- A Sala Lore
- Novos skins
- Un novo tipo de dieta
- Algúns cambios que, nas súas palabras, «aínda estamos a probar»
Ao final do comunicado, Motion Twin sinala que nos próximos meses poderían anunciar algo «aínda máis grande», facendo referencia a outro rumoreado DLC. O anterior, que levou por título The Bad Seed, publicouse o pasado mes de febreiro e entre o seu contido exclusivo incluía un novo xefe final. Se queres ler a nosa análise de Dead Cells, podes facelo aquí mesmo.
