Death Stranding chegará a PC no verán de 2020

Os rumores eran certos. Death Stranding chegará aos PC de todo o mundo no verán do vindeiro ano. Após perder a etiqueta como título exclusivo na web de PlayStation no mes de agosto, o novo título de Hideo Kojima xa non terá a máquina de Sony como plataforma única, senón que será un exclusivo temporal. E non moito tempo.

Así o confirmou a conta de Twitter de Kojima Productions, a cal lembrou a data de lanzamento do xogo para o 8 de novembro e, asemade,  sorprendeu a todo o mundo co inesperado anuncio do seu lanzamento en PC para o próximo verán.

Deste xeito confírmanse as informacións que sinalaban a posibilidade de que Death Stranding chegaría a PC antes dos 18 meses desde o seu lanzamento en consola, para logo aterra noutras plataformas.

Thanks to all of you who have been supporting #DEATHSTRANDING!
DEATH STRANDING release on PS4 is November 8, 2019!!
Furthermore, KOJIMA PRODUCTIONS is happy to announce that DEATH STRANDING will be coming to PC in early summer of 2020!!#kojimaproductions #deathstrandingpc pic.twitter.com/Sk4clWWY1X

— Kojima Productions (@KojiPro2015_EN) October 28, 2019