Actualidade Desvelado o espazo que ocupará Pokémon Espada e Escudo

Desvelado o espazo que ocupará Pokémon Espada e Escudo

Nada. Falta un mes e pouco para que Pokémon Espada e Escudo aparezan nas vidas de millóns de adestradores que agardan penetrar na nova rexión de Galar. A través dunha información ofrecida nunha tarxeta prepago, Game Freak e The Pokémon Company desvelan o peso do título exclusivo de Nintendo Switch: 10.3 GB, algo máis do dobre que Pokémon Let’ s Go Eevee / Pikachu.

Poderíase considerar o tamaño da descarga dixital un peso estándar para un xogo do seu tipo na máquina híbrida —Breath of the Wild pesa un total de 14.4 GB—.

Ao longo dos últimos días tamén se desvelaron algúns novos detalles sobre o futuro título, como a presenza  do Ponyta de Galar, que só estará presente na edición Escudo. Trátase dun exemplar de tipo psíquico e cunhas cores distintas ao do poldro de lume orixinal.
Carlos Pereiro

Creador de Morcego. Escribo cousas, falo de cousas e encántame escoitar cousas.