Actualidade Dying Light 2 fixa a súa data de lanzamento e presenta un novo adianto

Dying Light 2 fixa a súa data de lanzamento e presenta un novo adianto

Dying Light 2 volveu a aparecer de xeito público. «Por fin», dirán moitos. O título de Techland, que sufriu atrasos e diversos problemas no seu desenvolvemento, semella que encara a súa recta final de creación

Secuela directa do primeiro Dying Light (2015), que convenceu a crítica e público coa súa mestura de zombis e parkour, fixou a súa data de lanzamento: chegará o 7 de decembro deste ano, e contará con versións para PlayStation 5, Xbox Series X|S, PlayStation 4, Xbox One e PC.

Por suposto, o anuncio veu acompañado dun novo adianto que se traduce en sete minutos de gameplay, amais de presentar as súas diferentes edicións físicas, que incluirán figuras, steelbook, libros de arte, mapas, postais… un pouco de todo. A continuación tes o vídeo:

Carlos Pereiro

Creador de Morcego. Escribo cousas, falo de cousas e encántame escoitar cousas.