EA Access e Origin Access únense baixo un mesmo nome: EA Play

Electronic Arts vén de anunciar a unificación dos seus servizos de subscrición a partir deste 18 de agosto. EA Access e Origin Access Basic mesturaranse como EA Play. Pola súa banda, Origin Access Premier cambiará o seu nome a EA Play Pro.

Na práctica, este cambio non será moi notorio para os usuarios, que seguirán podendo acceder a The Vault, as probas de acceso anticipado aos títulos e terán un desconto do 10 % en todas as compras dentro do catálogo oficial.

EA insiste en que os xogadores manterán todas as vantaxes actuais e que engadirán «aínda máis nos próximos meses, como desafíos exclusivos no xogo e lotes de recompensas mensuais para membros en determinados títulos», como FIFA.

Para evitar confusións co evento anual que se celebraba preto do E3 manterase a nomenclatura usada este ano: EA Play Live.