EA Play chega mañá a Xbox Game Pass en PC con máis de 60 obras para o catálogo

EA Play chega mañá a Xbox Game Pass en PC con máis de 60 obras para o catálogo

Anunciado para 2020, pero atrasado até este ano, a unión entre Xbox Game Pass e EA Play materializarase finalmente mañá, 18 de marzo. Farao só en PC e a través da categoría máis alta de subscrición, a Ultimate. Iso si, non terá custo adicional algún.

Na práctica, máis de 60 novos xogos serán engadidos ao servizo de Microsoft. Sagas como Battlefield, Madden, Os Sims ou Star Wars deberían aparecer nunhas horas dentro do catálogo de Game Pass.

Doutra banda, haberá desafíos especiais, contido único para os membros e descontos en compras dixitais para EA a través da versión beta da aplicación EA Desktop. Por suposto, as probas de até 10 horas a títulos inéditos estarán incluídas, como ocorre co último FIFA.

A nova chega logo de confirmarse a aterraxe doutros títulos third party no servicio este marzo, entre os que se atopan Octopath Traveller o NieR: Automata.

Carlos Pereiro

Creador de Morcego. Escribo cousas, falo de cousas e encántame escoitar cousas.