Actualidade EA Sports rompe coa tradición e FIFA 21 non contará cunha demo este ano

EA Sports rompe coa tradición e FIFA 21 non contará cunha demo este ano

Após numerosas edicións respectando a súa tradición, EA Sports decidiu que non lanzará unha demo gratuíta da nova versión da saga FIFA. Segundo palabras da propia desenvolvedora, a ausencia desta proba permite que o equipo se centre totalmente no xogo final e así mellorar a súa calidade.

Por tanto, unicamente os membros de EA Play poderán xogar de forma anticipada a FIFA 21, dez días antes do seu lanzamento o vindeiro 9 de outubro. Porén, tamén se revelaron boas novas para os xogadores do territorio español, xa que a compañía decidiu establecer un novo servidor dedicado ás funcións en liña do xogo en Madrid.

Juan Sanmartín

Colaborador de Morcego. Videoxogos, deporte, cómics ou cine son as miñas paixóns.