![Electronic Arts merca Codemasters, que recibira unha oferta de Take-Two](https://revistamorcego.com/wp-content/uploads/2020/12/codemasters-splash-1-786x436.jpg)
Electronic Arts merca Codemasters, que recibira unha oferta de Take-Two
A batalla e a guerra duraron máis ben pouco. Electronic Arts faise con Codemasters por 1.200 millóns de dólares. O acordo xa é público e está confirmado pola propia compañía en comunicado aos seus investidores. A adquisición pecharase no Q1 de 2021.
Por que hai certa sorpresa na nova? Alén de que as absorcións sempre chaman a atención dentro da industria, nesta ocasión produciuse un duelo de negociacións entre Take-Two e Electronic Arts, pois a editora estadounidensedías atrás aparecera como a empresa que adquiriría Codemasters. A compañía detrás de Rockstar ou 2K chegou a ofrecer uns 820 millóns de dólares.
As negociacións entre Take-Two e o estudio inglés responsable de Dirt 5 fixéronse públicas o pasado 9 de novembro a través dunha carta que Codemasters lles mandara aos seus investidores. Segundo o documento, a compañía norteamericana ofrecía 485 peniques por cada acción, un prezo que, nese intre, superaba nun 11 % o valor en bolsa do estudio.