Actualidade En abril, xogo mil :: Principais lanzamentos deste mes

En abril, xogo mil :: Principais lanzamentos deste mes

Mes novo que chega, e mes novo que trae consigo novos lanzamentos. Tras un comezo de ano abafador cargado de grandes estreas (Resident Evil 2, Kingdom Hearts 3, Devil May Cry 5, Apex Legends…) parece que as compañías acordaron dar un pouco de tempo aos xogadores para acabar os títulos que teñen pendentes… ou non.

O 26 de abril chegará o exclusivo de PlayStation 4, Days Gone. É unha das grandes apostas de Sony para este ano e, aínda que sufriu diversos atrasos, a aventura de Deacon e as súa capacidade de supervivencia por fin aterra na máquina negra. O problema é que tamén chegarán os miles de infectados que campan ás súas anchas por eses Estados Unidos apocalípticos.

Outro dos grandes lanzamentos de abril é o agardado Mortal Kombat 11. Un novo paso cara á brutalidade e a violencia que un xogo de loita pode ofrecer. A súa beta privada estivo dispoñible estes días. A medida que pasen as semanas iranse coñecendo máis detalles sobre o cadro de loitadores definitivo.

Non debemos esquecer a chegada de Anno 1800 a PC para todos aqueles que gocen dos xogos de construción de cidades. Tampouco da aterraxe en Nintendo Switch de Cuphead, ou da posibilidade de xogar por fin na mesma plataforma a Final Fantasy X e X-2 ou a Final Fantasy XII: The Zodiac Age. Algúns JRPG nunca pasan de moda.

Xogo Plataforma Data de lanzamiento
Dangerous Driving PS4, Xbox One, Switch, PC 9 de abril
Phoenix Wright: Ace Attorney Tilogy HD PS4, Xbox One, Switch, PC 9 de abril
Earth Defense Force: Iron Rain PS4 11 de abril
Anno 1800 PC 16 de abril
World War Z PS4, Xbox One, PC 16 de abril
Final Fantasy X/X-2 HD Remaster Xbox One, Switch 16 de abril
Dreams (early access) PS4 16 de abril
Cuphead Switch 18 de abril
Katana Zero Switch, PC 18 de abril
Dragon’s Dogma: Dark Arisen Switch 23 de abril
Mortal Kombat 11 PS4, Xbox One, PC, Switch 23 de abril
Boxboy + Boxgirl Switch 26 de abril
Days Gone PS4 26 de abril
Final Fantasy XII: The Zodiac Age Xbox One, Switch 30 de abril

Anno 1800 llegará a PC a mediados de mes, el 16 de abril.

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

Deixar un comentario

O teu enderezo electrónico non se publicará Os campos obrigatorios están marcados con *