Actualidade Epic celebra o comezo do 2020 con tres títulos gratis

Epic celebra o comezo do 2020 con tres títulos gratis

Algúns se preguntaban se a Epic Games Store seguiría regalando títulos en 2020. A resposta non tardou en chegar. Após regalar doce xogos durante as últimas dúas semanas, a tenda dixital comezou o ano cun tridente gratuíto.

Tres obras de demostrada calidade están dispoñíbeis para a súa descarga, por cero euros, até o 9 de xaneiro. Cales? Darksiders: Warmastered Edition, Darksiders II: Deathinitive Edition e Steep.

Estratexia, acción e deporte extremo. Unha combinación moi apetecíbel que semella servir de continuación a unha política que deu a posibilidade de xogar a máis de corenta xogos sen abrir a carteira, ao longo dos últimos meses, nesta plataforma dos donos do Fortnite.

Carlos Pereiro

Creador de Morcego. Escribo cousas, falo de cousas e encántame escoitar cousas.