Epic Games adía a chegada da terceira tempada en Fortnite
Haberá que agardar un pouco máis para poder gozar do novo contido que prepara Epic Games para Fortnite. O battle royale adía cinco semanas máis a chegada da Tempada 3 do Capítulo 2, programada para o 30 de abril. A compañía non especificou ningún detalle sobre os motivos deste cambio de data, polo que o único dato oficial é que este novo contido aterrará o 4 de xuño.
A segunda tempada do título permanece activa desde febreiro e non é a primeira vez que Epic Games vese na obriga de anunciar un atraso. A gran actualización que sufriu o xogo coa primeira tempada do Capítulo 2 debía rematar en decembro do 2019 pero finalmente buscou outra data de finalización. «Temos varias actualizacións preparadas que ofrecerán gameplay incrible, novos desafíos, bonus de XP e un par máis de sorpresa», son as declaracións da desenvolvedora no seu blogue oficial respecto deste cambio na súa axenda.
Chapter 2 – Season 2 has been extended.
Plenty more coming this season: fresh gameplay, new Challenges, bonus XP & more!
Additional info here: https://t.co/H5Obesm3qf
— Fortnite (@FortniteGame) April 14, 2020
