Epic Games invirte en Core, a ambiciosa plataforma de creación de videoxogos

15 millóns de dólares. Esa é é a cifra coa que Epic Games pechou o seu acordo de investimento en Manticore Games, empresa propietaria de Core. Desta forma, a compañía adquire influencia sobre o universo que permite explorar xogos e mundos creados pola comunidade mundial de desenvolvedores.

«Construído con Unreal, Core exemplifica este futuro e vai un paso máis aló ofrecendo unha contorna onde calquera pode crear fantásticos xogos multixogador e presenta un metaverso onde os xogadores van descubrir entretemento infinito», declarou Adam Sussman, presidente de Epic Games.

A ambición detrás do proxecto é alta, xa que desde Manticore Games pretenden revolucionar o desenvolvemento de videoxogos ao mesmo nivel que o fixo Youtube coa creación de vídeos. En marzo Core foi aberto á fase alfa e xa alberga a numerosos títulos de diferentes xéneros no seu interior, grazas tamén ao programa piloto para creadores que outorga un millón de dólares para novas obras.