Epic Games Store xa permite micropagos nos videoxogos third-parties
Os estudios que queiran publicar videoxogos na Epic Games Store xa poden habilitar microtransacciones dentro dos mesmos. A tenda dos responsábeis de Fortnite permite desde a súa última actualización este tipo de economías.
«Damos apoio ao dereito das compañías para escoller entre as mellores tendas, procesos de pago, servizos online e motores, e dámoslles tamén dereito a mesturar todos eses compoñentes do modo no que queiran facelo», comenta Tim Sweeney, CEO da compañía norteamericana nun comunicado.
A plataforma dixital suma así unha nova característica á tenda, malia que seguramente non sexa esta a máis ansiada pola comunidade, que aínda agarda funcións básicas como as recensións de usuarios, a puntuación de títulos ou a lista de desexados.