Morcego é a primeira revista dixital de videoxogos en galego. Un proxecto periodístico que pretende informar dunha maneira veraz sobre unha das industrias culturais máis importantes dos nosos tempos.

Aos mandos da nave atópase Carlos Pereiro, xornalista pontevedrés, e colaborador habitual nun dos principais medios galegos. Esta é a súa aventura particular, pero agarda non estar só. Defensor da libre opinión e do videoxogo como elemento cultural, dalle o primeiro empurrón a Morcego.