Fortnite superou esta fin de semana a súa marca de usuarios concorrentes

Semella que esa volta ao inicio, esa volta ás orixes planeada por Epic Games para Fortnite sentou máis que ben. O battle royale máis famoso do mundo superou a súa marca de usuarios concorrentes na pasada fin de semana.

Así, o 4 de novembro estiveron xogando de xeito simultáneo 6.172.463 persoas. O regreso do mapa orixinal baixo o título Fortnite OG polos seus creadores, foi un éxito absoluto.

Fortnite OG publicouse o venres e rematará cunha nova versión do clásico evento do buraco negro, antes de reiniciar por completo o escenario co novo deseño do Capítulo 5, pouco antes de Nadal.