Kingdom Hearts: Missing-Link chegará nalgún intre do 2024

O título xogo para móbiles de Kingdom Hearts, Kingdom Hearts: Missing Link, sairá ao longo do ano 2024 para iOS e para Android, seguindo o anuncio realizado por Square Enix a través das súas redes sociais.

O xogo foi orixinalmente revelado aló polo 2022, mais o silencio desde aquela foi total. O que xa sabiamos é que estará ambientado en Scala ad Caelum, e a súa historia estará situada entre os eventos do xogo Union X e Dark Road.

Haberá beta pechada en Reino Unido e Australia, beta para a que xa están abertos os rexistros. E si, hai un novo tráiler que podes ver a continuación: