Sea of Stars, o novo dos creadores de The Messenger, chegará a finais de agosto

Agardo que ninguén entre na nova pensando que o chat de Messenger ten algún tipo de continuación. Non, está claro que aquí falamos do novo RPG de Sabotage Studio, creadores que sorprenderon hai xa uns anos con The Messenger (2018), un notable xogo de plataformas e acción.

Sea of Stars é o título desde novo título, que conta na composición musical con Yasunori Mitsuda (Chrono Trigger), e que foi posíbel crealo logo de obter financiamento en Kickstarter, aló polo 2020. A historia segue a dous Nenos do Solsticio que terán que combinar os poderes do sol e a lúa para crear Maxia da Eclipse, maxia que permite enfrontar ás monstruosas creacións dun alquimista.

Ten demo xa en Switch e sairá o 29 de agosto para PC, Playstation (4 e 5) e, claro, a híbrida de Nintendo.