![Where Winds Meet, o mundo aberto de Everstone Studio, aparece na Gamescom](https://revistamorcego.com/wp-content/uploads/2022/08/Where-Winds-Meet-is-a-new-action-RPG-with-strong-Wuxia-effects-786x436.jpeg)
Where Winds Meet, o mundo aberto de Everstone Studio, aparece na Gamescom
Unha das sorpresas que deixou a Opening Night Live da Gamescom foi Where Winds Meet, do estudio chinés Everstone. Por que? Sobran motivos, pero por dicir dous: estética e ambición.
Where Winds Meet é un RPG de acción de mundo aberto, que inclúe mecánicas diversas coma o sixilo e a exploración. O seu relato quere facernos entrar dentro da pel dun hábil espadachín que vive na era da Dinastía Song do Norte, unha época de guerra e conflito, na que deberemos elexir «entre honrar o código moral para protexer inocentes e loitar pola xustiza», di o comunicado oficial. «ou loitar por nós mesmos e facer que a terra entre en risco de caos e caída».
Artes marciais, espadas, combate corpo a corpo, armas a distancia, habilidades especiais… Semella que teremos batallas áxiles e diferentes, con opcións á hora de crear un estilo propio. Por haber até hai construción, con máis de 600 pezas para crear estruturas no mundo do xogo.
Saída? Sen data e sen plataformas; como é habitual nestes casos.