Actualidade F.I.S.T.: Forged In Shadow Torch chega mañá a PlayStation e presenta novo adianto

F.I.S.T.: Forged In Shadow Torch chega mañá a PlayStation e presenta novo adianto

Un novo  metroidvania chega para PlayStation. F.I.S.T.: Forged In Shadow Torch aterrará mañá na tenda dixital de Sony. A partir do 7 de setembro, poderemos xogalo en cualquera dos seus dous sistemas actuais, PS4 ou PS5.

Trátase dunha aventura desenvolvida por TiGames e Bilibili, na que nos poñemos na pel de… un coello antropomorfo. A súa ambientación promete, do mesmo xeito que a súa acción e a súa xogabilidade. Polo momento, as críticas que foron saíndo din del que é un título máis que notable.

«Despois de que os animais de Torch City fosen derrotados pola invasora Lexión Robótica na Guerra da Resistencia fai seis anos, o ex combatente da Resistencia Rayton o coello mantívose nas sombras», reza a sinopse oficial de F.I.S.T.: Forged In Shadow Torch.

Tamén chegará a Steam, nalgún momento do futuro, mais non hai unha data concreta para este debut. En Asia semella que tamén terán versión física para as dúas consolas de Sony, pero aquí, polo de agora, non hai distribuidor.

Carlos Pereiro

Creador de Morcego. Escribo cousas, falo de cousas e encántame escoitar cousas.