Actualidade Fall Guys incluirá un sistema que impedirá as trampas durante as partidas

Fall Guys incluirá un sistema que impedirá as trampas durante as partidas

Mediatonic decidiu finalmente tomar as medidas necesarias para impedir as trampas durante as partidas de Fall Guys. A través unha publicación na súa conta de Twitter, o estudio anunciou que nas dúas vindeiras semanas lanzarán unha gran actualización que incluirá un sistema anti-cheats.

Son coñecidos os vídeos virales de xogadores que se aproveitan de ferramentas de hackeo para avanzar a velocidades inigualábeis ou directamente saltar todos os obstáculos da proba. Esta práctica tan estendida entre os xogadores de PC será limitada no futuro. Será así grazas ao mesmo programa que utiliza Fortnite, Easy Anti-Cheat. É a mesma ferramenta que está presente en Apex Legends, Halo: The Master Chief Collection, For Honor e outros moitos títulos multixogador.

Juan Sanmartín

Colaborador de Morcego. Videoxogos, deporte, cómics ou cine son as miñas paixóns.