![Fall Guys segue a conquistar a comunidade e bate récords en PlayStation e Steam](https://revistamorcego.com/wp-content/uploads/2020/08/1598263427_483283_1598263527_noticia_normal-786x436.jpg)
Fall Guys segue a conquistar a comunidade e bate récords en PlayStation e Steam
Sinxelamente impresionante. Fall Guys converteuse nun dos grandes fenómenos dentro da industria dos videoxogos neste 2020. O título de Mediatonic conquistou completamente á comunidade coa súa desenfadada proposta de battle royale e os números comezan a reflectir ese bo traballo.
Fall Guys converteuse no xogo máis descargado de toda a historia de PlayStation Plus. Lembremos que este mes de agosto foi incluído como un dos títulos gratuítos para todos os usuarios que utilicen este servizo de subscrición de Sony. Superou a outras obras de renome como Metal Gear Solid V: The Phantom Pain, Bloodborne ou Shadow of the Colossus.
As of today, Fall Guys is the most downloaded PS Plus game of all time on a global basis. Congrats to @Mediatonic! pic.twitter.com/eYwtYMr3Nw
— PlayStation (@PlayStation) August 26, 2020
Éxito total en Steam
Os récords non terminan aquí. Devolver Digital anunciou que Fall Guys superou os 7 millóns de copas vendidas na plataforma de Valve. Desde a última cifra coñecida -2 millóns o 10 de agosto- o título sumou 5 millóns de unidades máis, unicamente en PC.
A editora xa chanceaban co seu posíbel éxito durante a súa conferencia, pero desde logo non se imaxinaban tal repercusión en todo o mundo. Hoxe mesmo o xogo recibirá o foco da atención, xa que durante a presentación da Gamescom coñeceremos os detalles sobre a segunda tempada de Fall Guys.
Congrats to our friends @Mediatonic as @FallGuysGame crosses 7 million units on Steam and is the most downloaded PS Plus game of all time!
An amazing accomplishment from a wonderful group of folks. pic.twitter.com/UoWEqxiUi4
— Devolver Digital (@devolverdigital) August 26, 2020