Actualidade Final Fantasy VII: The First Soldier supera o millón de descargas en 48 horas

Final Fantasy VII: The First Soldier supera o millón de descargas en 48 horas

Square Enix confirmou a través das súas redes sociais o o primeiro gran logro do seu novo xogo, Final Fantasy VII: The First Soldier. O battle royale ambientado no universo de Final Fantasy VII xa alcanzou a cifra do millón de descargas, apenas dous días despois da súa chegada ás tendas dixitais.

A compañía xaponesa celebrou o este fito regalando tres Tickets Shinra e 3 conxuntos de Comida Chocobo a todos os usuarios rexistrados no xogo.

Final Fantasy VII: The First Soldier entra dentro desa ampliación que Square Enix está a realizar do universo orixinal de Cloud e compañía, e foi anunciado en febreiro deste ano. Está dispoñible en iOS e Android.

Carlos Pereiro

Creador de Morcego. Escribo cousas, falo de cousas e encántame escoitar cousas.