Actualidade Gaming Ladies celebrará a súa cuarta edición o 14 de decembro

Gaming Ladies celebrará a súa cuarta edición o 14 de decembro

Cuarta edición xa do Gaming Ladies. A organización desta cita exclusiva para mulleres acaba de confirmar a súa data de celebración: será o 14 de decembro en Barcelona, máis concretamente no auditorio de Mediapro a partires das 18 horas.

Cunha duración aproximada de dúas horas, contará con dous bloques ben diferenciados: o primeiro, con charlas de profesionais do sector do videoxogo; e o segundo, baseado no networking entre as asistentes ao evento.

Hai catro poñentes confirmadas:

Marta Aguilera: Game Developer en King Londres.

Leti M. Vila: 3D Character Artist / Mocap Animator.

Marta Trivi: Xornalista cultural especializada en videoxogos.

Paula Vázquez: Directora Corporativa na LVP.

Cunha entrada gratuíta están convidadas a asistir “todas aquelas mulleres, trans e cisxénero que o desexen” sinalan dende a organización. Iso si, debe solicitarse a entrada, de maneira anticipada, a través dun formulario. Por outra banda, recoméndase chegar á cita uns trinta minutos antes do comezo previsto.

Gaming Ladies quere reunir a mulleres de todo tipo, estudantes e profesionais do sector, co obxectivo de compartir experiencias e preocupacións ao redor do mundo dos videoxogos. O ano pasado contou coa asistencia de 300 mulleres.

 

Carlos Pereiro
Carlos Pereiro

Creador de Morcego. Escribo cousas, falo de cousas e encántame escoitar cousas.

Deixar un comentario

O teu enderezo electrónico non se publicará Os campos obrigatorios están marcados con *